7 طرق ذكية للتخزين والتنضيف هتخلصك من الفوضى في بيتك



كُلنا بنعاني من الفوضى في البيت بسبب إننا مبنعرفش نخزن حاجات البيت بشكل ذكي ومُنظم، فبالتالي بنوصل للشكل الفوضوي والغير مُنظم اللي كُلنا بنكون متضايقين منه. ده غير إن أحياناً حاجات بتتوسخ ومبنعرفش إزاي ننضفها.

علشان كده هنا هتلاقي أفكار بسيطة وبتكلفة قليلة هتساعدك تخزني أي حاجة عندك بشكل ذكي وكمان أفكار جديدة للتنضيف.

  1. خرابيش الخشب: لو عندك الكراسي أو الترابيزات الخشب فيها خرابيش مُمكن بسهولة جداً تستخدمي عين الجمل في تلميع الخشب هيرجعه جديد زي الأول.
  2. تنضيف الدش والحنفيات: حنفية الدُش بسبب تراكمات البُخار بيكون عليها رواسب صعب تنضيفها. إملي كيس بالمياه والجنزبيل ولفيه على الحنفية لمُدة نُص ساعة وبعدها إمسحية بقطعة قماش هيزيل أي ترسبات عليه.
  3. العلب القديمة: لو عندك علب فاضية بغطاء إعتبريها كنز، هتقدري تخزني فيها أي حاجة مش لاقيالها مكان حسب حجمها يعني مُمكن علب لألعاب الأطفال، علب للأدوية، علب للإكسسوارات، علب لأدوات التنظيف، الشواحن، أدوات المطبخ.
  4. كمان مُمكن تجيبي قُماش ملون وتعملي إطار لطيف للعلب وشريط يتكتب عليه محتويات كُل علبة علشان شكلهم ميضايقكيش.

  5. السلات الخوص: السلات الخوص شكلها حلو جداً وتُعتبر إكسسوارات جذابة، مُمكن تستخدميها في التخزين وترصيهم بشكل مُرتب تحت الترابيزات أو تعليقهم على الحيطة.
  6. رشي البيت: إستخدمي رشاش مياه وضيفي عليه معلقة صغيرة من البيكينج صودا ورشيه في الهواء، ده هيساعد في إزالة أي غبار أو تراب في الهواء وبعدها إكنسي الأرض عشان تزيلي ذرات الغبار دي.
  7. تلميع الأطباق: علشان تلمعي أدوات المطبخ، إستخدمي ملح الليمون في الأطباق أو الأدوات اللي محتاجه تتنضف مع مياه وإغليها.
  8. تنضيف المناشف: بالنسبة للمناشف الصغيرة، مُمكن تبليها مياه وتحطيها في كيس وتدخليها المايكروويف لمدة دقيقتين بعد كده إغسليهم كويس.

وبكده نكون قدمنالكوا بعض النصايح والخطوات اللي هتساعدك في تنضيف بيتك


عدد المشاهدات 3.402
http://realestateinturkey.asia/ - parkebriketmakinasi.com - www.brickmakingmachine.biz - www.machineparpaing.com - concreteblockmachine.biz

Arama Motoru Kaliteli Hosting