اعرف اكتر عن عيوب ومشاكل الدهانات وازاي تتجنبها



كتير مننا لما بيفكر يدهن الحوائط بيكون كل التركيز على اختيار الألوان اللي هتتناسب مع العفش، اختيار دهانات كويسة ماتقشرش بعد سنة ولا اتنين، والأهم من ده كله بنقعد نشوف أنهو شركة بتوفرلي الخدمة دي بأسعار مُناسبة أو لو هتعامل مع صنايعية يبقي مين الصنايعي اللي هطمن أنه هيعملي دهانات وديكورات حلوة زي اللي في دماغي بالظبط من غير ما يبهدلي الشقة أو يبوظلي حاجة … كل ده جميل، بس فيه حاجة أهم من ده لازم نأخد بالنا منها في موضوع الدهانات دي واحنا بنختارها وهي إن فيه أنواع دهانات رديئة وليها أضرار كتيرة على صحتنا وبتسبب أمراض زي مثلا:

  1. عنصر الرصاص: دهانات الحوائط بشكل عام بينتج منها أبخرة واللي بتتسب في تهييج العين والأنف. يعني مثلاً، فيه أنواع من الدهانات بتكون فيها نسبة عالية من الرصاص واللي أكيد كلنا عارفين مخاطر عنصر الرصاص على الإنسان في إنه بيسبب حالات تسمم، ده غير أنه بيأثر على الدماغ، الكبد، الكليتين، بيسبب سرطان الرئة، وكمان بيختزن في العظام والأسنان. عشان كدا بيُنصح باستخدام دهانات خالية من المركبات العضوية المُتبخرة أو النسبة فيها قليلة. كمان وإنت بتدهن حاول تلبس قناع وقفاز عشان تحمي نفسك، مش بس كده، كمان افتح الأبواب والشبابيك أو أي منفذ هوا تاني عشان الأبخرة اللي بتطلع من الدهانات تطلع بره،
  2. دهانات البلاستيك أو الأكريلك: عادة اللي بيحدد أن دهان مُعين ضار للبيئة وبيسبب أمراض للإنسان أو إنه دهان جيد صديق للبيئة، هو إن الدهان يكون خالي من المواد المتطايرة ولا لأ وكمان نسبة المادة المُذيبة اللي في الدهان نفسه واللي هي أصلا بتُعتبر مُكون أساسي ورئيسي في الدهانات. فالبنسبة للدهانات البلاستيك أو الأكريلك أو المعروفة بالدهانات المائية، فهي دهانات صديقة للبيئة ونسبة المادة المُذيبة فيها ضئيلة جداً. عشان كدا بيُنصح باستخدامها،
  3. الدهانات الزيتية: الدهانات دي هي دهانات بتعتمد في تكوينها بشكل أساسي على المواد المُذيبة عشان كدا هي دهانات ضارة بالبيئة وأكيد ضارة للإنسان.

الخُلاصة

مهم إنك وإنت بتدهن شقتك إنك تبقى عارف دهانات الحوائط اللي مختارها دي كويسة ولا رديئة … تابعونا عشان تعرفوا أكتر عن التشطيبات !


عدد المشاهدات 546
http://realestateinturkey.asia/ - parkebriketmakinasi.com - www.brickmakingmachine.biz - www.machineparpaing.com - concreteblockmachine.biz

Arama Motoru Kaliteli Hosting